Zibilizazioen talka

Zibilizazioen talka Samuel Huntington (1927-2008) politologo estatubatuarrak 1993 urtean plazratutriko hipotesi geopolitikoa da. Horren arabera, XX. mendearen bukaeratik, mundu mailako gatazkak identitate kultural kontrajarriek, zibilizazioek adiera zabalean,  eragiten dituzte, XX. mendeko azken hamarkadetan zehar nagusi izan den Gerra Hotzaren dinamika gainditu ondoren, eta interes ekonomiko, politiko eta ideologikoak alde batera utzirik. Zibilizazioen talkaren ebidentzia moduan, jihadismoaren eta horren aurka Mendebaldeak aurrera eraman duen gerra aipatu izan da.