Zibismoa

Zibismoa (latinezko civis hitzetik, "hiritarra") herritarrak gizartean, bakean, elkarbizitzan eta elkartasunez bizitzeko arau eta jokabideen multzoa da. Esan liteke beste hainbat balio etiko biltzen dituen balioa dela, hala nola bestearen errespetua, elkartasuna, lankidetza, enpatia, gizalegea, elkarrizketa eta eskuzabaltasuna, eta beraz ustelkeria, norberekeria, agresibitatea, bazterkeria, eta diskriminazioa baztertzen dituena. Gizarte demokratikoen osasun etikoaren funtsezko oinarria da, demokrazia formala bideratu eta garatu egiten duena.